Azərbaycan Halal Biznes Forumu
“Sürətlə dəyişən dünyada halal sənaye dayanıqlılığın mənbəyi kimi”
Azərbaycan Halal Biznes (AZHAB) Forumu əməkdaşlığın inkişafına, bilik mübadiləsinə, məhsulların nümayişinə və halal sənayedə etik və dayanıqlı təcrübələrin təşviqinə, habelə biznesin inkişafının və beynəlxalq əməkdaşlığın stimullaşdırılmasına yönəldilmişdir.
Müxtəlif maraqlı tərəfləri, o cümlədən hökumət nümayəndələrini, sahə üzrə ekspertləri, sahibkarları və alimləri bir araya gətirən AZHAB Forumu regionda ümumilikdə daha dinamik, inklüziv və çiçəklənən halal biznesin inkişafı üçün yol xəritəsi müəyyən etməyə çalışır. İlk AZHAB Forumu 2024-cü ilin oktyabr ayında keçirilmiş və Avstraliya, Amerika, Avrasiya və Afrika da daxil olmaqla dünyanın müxtəlif guşələrindən təxminən 100-ə yaxın beynəlxalq iştirakçını bir araya toplamışdır.
2025-ci ildə keçiriləcək növbəti AZHAB Forumunda halal sənaye konsepsiyası həm nəzəri, həm də praktiki baxımdan müzakirə ediləcəkdir. “Sürətlə dəyişən dünyada halal sənaye dayanıqlılığın mənbəyi kimi” əsas mövzu olaraq seçilmişdir və bu, hazırkı qlobal siyasi, iqtisadi və sosial meylləri əks etdirir.
Dünyada baş verən siyasi, iqtisadi və sosial dəyişikliklər şəraitində halal sənaye qlobal bazarların şaxələndirilməsi, etik normalar, maliyyə dayanıqlılığı və sabit istehlakçı tələbatı sayəsində bir çox digər sahələrdən daha səmərəli şəkildə iqtisadi çətinliklərin öhdəsindən gələ bilər. Davamlı inkişaf, risklərin bölüşdürülməsi və yerli icma ilə qarşılıqlı əlaqəyə əsaslanan biznes modellərinə vurğu onun sürətlə dəyişən qlobal iqtisadiyyata uyğunlaşmaq və bu iqtisadiyyatda uğur qazanmaq qabiliyyətini daha da möhkəmləndirir.
Halal sənaye qlobal tələbatı, rəqəmsal transformasiyanı, yerli istehsalı və effektiv sertifikatlaşdırma sistemlərini istifadə edərək ticarət dəyişikliklərinə davamlı bir model təklif edə bilər. Yeni ticarət çətinlikləri ilə üzləşən dünyada halal biznes bazarları şaxələndirə, özünütəminetmə səviyyəsini artıra və məhdudiyyətlərə baxmayaraq inkişaf etmək üçün halal standartlarından rəqabət üstünlüyü kimi istifadə edə bilər.
İnnovasiyaları dəstəkləmək, etik istehlakı təşviq etmək, maliyyə sabitliyinə töhfə vermək, eləcə də qlobal əməkdaşlığı gücləndirməklə halal sənaye iqtisadi sabitliyə və uzunmüddətli inkişafa əhəmiyyətli dərəcədə töhfə verə bilər. Onun yeni meyillərə uyğunlaşmaq qabiliyyəti sosial məsuliyyətə və dayanıqlı inkişafa yönəlik vurğu ilə birləşərək, qlobal iqtisadiyyatın dayanıqlığının mühüm tərkib hissəsinə çevirir.
Halal konsepsiyası pəhriz qaydalarının hüdudlarını çox aşır və maliyyə əməliyyatlarında etik davranışı, eyni zamanda ümumilikdə həyat tərzi seçimlərini əhatə edir. Geosiyasi qeyri-sabitlik dövrlərində halal sistem fərdlərə və icmalara mənəvi aydınlıq, sabitlik və həyatın mənasını təmin edərək psixoloji dayanıqlılıq mənbəyi kimi xidmət edə bilər.
AZ
EN
RU